ПРАТАКОЛ
АБ СУПРАЦОЎНIЦТВЕ ПАМIЖ МIНIСТЭРСТВАМ КУЛЬТУРЫ
РЭСПУБЛIКI БЕЛАРУСЬ I МIНIСТЭРСТВАМ КУЛЬТУРЫ РАСIЙСКАЙ
ФЕДЭРАЦЫI НА 2003 ГОД*

______________________________
     *Уступiў у сiлу 21 студзеня 2003 г.

     Мiнiстэрства культуры   Рэспублiкi   Беларусь   i  Мiнiстэрства
культуры Расiйскай Федэрацыi, якiя далей называюцца Бакамi,
     жадаючы развiваць  працэс  далейшага  ўзаемаўзбагачэння культур
Беларусi i Расii,
     прымаючы на  сябе  абавязацельствы ў рамках гэтага Пратакола аб
супрацоўнiцтве на 2003 год,
     дамовiлiся аб нiжэйпададзеным:

                             Артыкул 1

     Бакi пагадзiлiся  правесцi  XII Мiжнародны фестываль мастацтваў
"Славянскi базар у Вiцебску" (лiпень).

                             Артыкул 2

     Бакi прымуць   удзел   у   правядзеннi   свята,    прысвечанага
Мiжнароднаму Дню славянскага пiсьменства i культуры (май).

                             Артыкул 3

     Бакi акажуць  садзеянне  ў  арганiзацыi выстаўкi твораў рускага
мастацтва са збору Дзяржаўнай Траццякоўскай галерэi  ў  Нацыянальным
мастацкiм музеi Рэспублiкi Беларусь (красавiк-кастрычнiк).

                             Артыкул 4

     Бакi будуць  садзейнiчаць  правядзенню сумесных мерапрыемстваў,
фiнансуемых з бюджэту Саюзнай дзяржавы на 2003 год.

                             Артыкул 5

     Бакi будуць спрыяць усталяванню прамых сувязяў памiж  вышэйшымi
i   сярэднiмi   спецыяльнымi   навучальнымi  ўстановамi  культуры  i
мастацтва i садзейнiчаць абмену студэнтамi  вышэйшых  i  навучэнцамi
сярэднiх  спецыяльных навучальных устаноў па творчых,  навучальных i
навуковых напрамках.
     Бакi будуць ствараць умовы для павышэння квалiфiкацыi i творчых
стажыровак  выкладчыкаў  вышэйшых  навучальных  устаноў  i навуковых
устаноў культуры i мастацтва абедзвюх краiн.

                             Артыкул 6

     Бакi акажуць  садзеянне  ў  арганiзацыi i правядзеннi Адкрытага
кiнафестывалю краiн СНД  i  Балтыi  "Кiнашок"  (г.Анапа,  верасень),
Мiнскага   Мiжнароднага   кiнафестывалю   "Лiстапад-2003"  (г.Мiнск,
лiстапад).
     Бакi правядуць  дзiцячую  анiмацыйную кiнашколу для таленавiтай
моладзi Беларусi i Расii на тэрыторыi Беларусi (чэрвень).
     Бакi разгледзяць  пытанне  аб  стварэннi  сумеснага кiнафiльма,
прысвечанага 60-годдзю перамогi ў Вялiкай Айчыннай вайне.

                             Артыкул 7

     Бакi будуць ажыццяўляць абмен iнфармацыяй  аб  даследаваннях  у
галiне  ўлiку,  аховы,  рэстаўрацыi,  выкарыстання  i  папулярызацыi
гiсторыка-культурнай   спадчыны,   вывучаць   магчымасцi   сумеснага
правядзення рэстаўрацыйных работ,  навуковых семiнараў, сiмпозiумаў,
сустрэч, экспедыцый.
     Бакi будуць    садзейнiчаць    вывучэнню   гiсторыка-культурнай
спадчыны  дзяржавы  другога  Боку,  яе  пошуку,  улiку,  а   таксама
выкарыстоўваць  розныя  каналы  для  рэалiзацыi  правоў спецыялiстаў
абодвух Бакоў у справе даследавання спадчыны.
     Бакi будуць забяспечваць права доступу грамадзян абедзвюх краiн
да  каштоўнасцей,  сабраных  у  музеях,  бiблiятэках,  архiвах,  што
знаходзяцца ў iх распараджэннi.

                             Артыкул 8

     У рамках  сваёй  кампетэнцыi  Бакi  будуць забяспечваць меры па
папярэджанню незаконнага ўвозу i вывазу  культурных  каштоўнасцей  з
тэрыторый сваiх дзяржаў на тэрыторыю iншай дзяржавы.
     Бакi будуць ажыццяўляць аператыўны абмен iнфармацыяй у дадзенай
галiне.

                             Артыкул 9

     Бакi правядуць   летнiя  творчыя  школы  для  адоранай  моладзi
Беларусi i Расii па асноўных  музычных  спецыяльнасцях  i  мастацкай
творчасцi на тэрыторыi Расii (чэрвень).

                             Артыкул 10

     Бакi будуць  садзейнiчаць удзелу драматычных тэатраў Беларусi i
Расii ў тэатральных фестывалях,  што праводзяцца на тэрыторыi  сваiх
краiн, у тым лiку спрыяць удзелу тэатральнага калектыву з Беларусi ў
Мiжнародным тэатральным фестывалi iмя А.П.Чэхава (г.Масква),  удзелу
тэатральнага  калектыву  з Расii ў Мiжнародным тэатральным фестывалi
"Белая вежа" (г.Брэст).
     Бакi акажуць   садзеянне   ў   арганiзацыi  абменных  гастроляў
беларускага i расiйскага тэатраў.

                             Артыкул 11

     Бакi будуць   садзейнiчаць   удзелу   музычных   калектываў   i
выканаўцаў  Беларусi i Расii ў музычных фестывалях i конкурсах,  што
праводзяцца на тэрыторыi кожнай з краiн.

                             Артыкул 12

     Бакi будуць  развiваць   супрацоўнiцтва   ў   галiне   народнай
творчасцi  i  садзейнiчаць  усталяванню  прамых сувязяў памiж дамамi
народнай творчасцi i самадзейнымi калектывамi абедзвюх краiн.

                             Артыкул 13

     Бакi будуць супрацоўнiчаць у  галiне  бiблiятэчнай  i  музейнай
справы, а таксама ў выставачнай дзейнасцi.
     Бакi будуць аказваць садзеянне ва ўстанаўленнi  прамых  сувязяў
памiж бiблiятэкамi i музеямi Беларусi i Расii.
     Бакi будуць абменьвацца актамi  заканадаўства  сваiх  краiн  па
пытаннях арганiзацыi i вядзення бiблiятэчнай i музейнай справы.

                             Артыкул 14

     Бакi дамовiлiся,   што   культурны   абмен   памiж   iмi  будзе
ажыццяўляцца на наступных умовах:
     накiроўваючы Бок    аплачвае    выдаткi    на    праезд   сваiх
прадстаўнiкоў,  правоз вытворчага багажу ў абодва  бакi  i  ганарары
выканаўцам;
     прымаючы Бок забяспечвае пражыванне i харчаванне (або сутачныя)
у  адпаведнасцi з зацверджанымi ў сваёй краiне нормамi, транспарт на
тэрыторыi сваёй краiны згодна з праграмай знаходжання i прадастаўляе
канцэртныя  пляцоўкi  i  выставачныя  залы  з  неабходным  тэхнiчным
абслугоўваннем.
     Пры абмене  выстаўкамi з музейных фондаў i выстаўкамi сучаснага
мастацтва ўмовы iх правядзення агаворваюцца Бакамi дадаткова.
     Гэты Пратакол уступае ў сiлу з моманту яго падпiсання.

     Пратакол падпiсаны  ў  горадзе  Мiнску  21 студзеня 2003 года ў
двух экземплярах,  кожны на беларускай i рускай мовах, прычым абодва
тэксты з`яўляюцца аўтэнтычнымi i маюць аднолькавую сiлу.

<<< Главная страница | < Назад