Савет Мiнiстраў
Рэспублiкi Беларусь
ПАСТАНОВА
13 чэрвеня 1997 г. N 704
г.Мiнск
АБ МЕРАХ ПА СТВАРЭННЮ МУЗЕЯ СУЧАСНАГА ВЫЯЎЛЕНЧАГА МАСТАЦТВА
===
Савет Мiнiстраў Рэспублiкi Беларусь ПАСТАНАЎЛЯЕ:
1. Прыняць прапанову Мiнiстэрства культуры, узгодненую з
Мiнскiм гарвыканкомам i Мiнiстэрствам па кiраванню дзяржаўнай
маёмасцю i прыватызацыi аб бязвыплатнай перадачы будынка былога
кiнатэатра "Беларусь" з камунальнай уласнасцi г.Мiнска ў
рэспублiканскую ўласнасць з наступнай перадачай яго ў распараджэнне
Мiнiстэрства культуры для рэканструкцыi i прыстасавання пад Музей
сучаснага выяўленчага мастацтва.
2. Мiнiстэрству культуры i Мiнскаму гарвыканкому ажыццявiць
фiнансаванне праектных работ Музея сучаснага выяўленчага мастацтва
за кошт пазабюджэтных сродкаў.
3. Мiнiстэрству эканомiкi, Мiнiстэрству фiнансаў уключыць у
пералiк будоўляў i аб'ектаў для рэспублiканскiх патрэб, фiнансуемых
у 1998 годзе за кошт рэспублiканскага бюджэту па Мiнiстэрству
культуры, рэканструкцыю Музея сучаснага выяўленчага мастацтва.
Прэм'ер-мiнiстр
Рэспублiкi Беларусь С.Лiнг
