ПАСТАНОВА САВЕТА МIНIСТРАЎ РЭСПУБЛIКI БЕЛАРУСЬ
13 лiстапада 2000 г. № 1738
АБ ПРАВЯДЗЕННI ПЕРАГАВОРАЎ ПА ПРАЕКТУ ПАГАДНЕННЯ ПАМIЖ
УРАДАМ РЭСПУБЛIКI БЕЛАРУСЬ I УРАДАМ ДЗЯРЖАВЫ КУВЕЙТ АБ
ПАЗБЯГАННI ДВАЙНОГА ПАДАТКААБКЛАДАННЯ I ПАПЯРЭДЖАННI
ЎХIЛЕННЯ АД ВЫПЛАТЫ ПАДАТКАЎ У ДАЧЫНЕННI ДА ПАДАТКАЎ НА
ДАХОДЫ I МАЁМАСЦЬ
Савет Мiнiстраў Рэспублiкi Беларусь пастанаўляе:
Прыняць прапанову Дзяржаўнага падатковага камiтэта, узгодненую
з Мiнiстэрствам замежных спраў i Мiнiстэрствам юстыцыi, аб
правядзеннi перагавораў па праекту Пагаднення памiж Урадам
Рэспублiкi Беларусь i Урадам Дзяржавы Кувейт аб пазбяганнi двайнога
падаткаабкладання i папярэджаннi ўхiлення ад выплаты падаткаў у
дачыненнi да падаткаў на даходы i маёмасць.
Упаўнаважыць на правядзенне названых перагавораў намеснiка
Старшынi Дзяржаўнага падатковага камiтэта Кандратаву Ларысу
Аляксандраўну i даць ёй права прыцягваць па ўзгадненню з iншымi
рэспублiканскiмi органамi дзяржаўнага кiравання iх прадстаўнiкоў да
ўдзелу ў рабоце над Пагадненнем.
Адобрыць праект Пагаднення памiж Урадам Рэспублiкi Беларусь i
Урадам Дзяржавы Кувейт аб пазбяганнi двайнога падаткаабкладання i
папярэджаннi ўхiлення ад выплаты падаткаў у дачыненнi да падаткаў на
даходы i маёмасць (прыкладаецца) *) у якасцi асновы для перагавораў,
дазволiўшы ўносiць у яго змяненнi i дапаўненнi, якiя не маюць
прынцыповага характару.
____________________________
*) Не рассылаецца.
Прэм`ер-мiнiстр Рэспублiкi Беларусь У.ЯРМОШЫН
