ЗАГАД МIНIСТЭРСТВА КУЛЬТУРЫ РЭСПУБЛIКI БЕЛАРУСЬ
                      25 лiстапада 1999 г. N 398

 АБ НЕКАТОРЫХ ПЫТАННЯХ РЭГУЛЯВАННЯ МIЖНАРОДНЫХ ПАЕЗДАК 
 НАВУЧЭНЦАЎ I СТУДЭНТАЎ НАВУЧАЛЬНЫХ УСТАНОЎ ГАЛIНЫ
    
     У   апошнiя  гады  значна  павялiчылася  колькасць  мiжнародных
кантактаў  навучальных устаноў культуры i мастацтва. Умацоўваюцца iх
сувязi  з  роднаснымi  замежнымi  выкладчыцкiмi  калектывамi, штогод
навучэнцы  i студэнты дзiцячых школ мастацтваў, сярэднiх спецыяльных
i  вышэйшых  навучальных  устаноў  культуры  i  мастацтва з поспехам
прымаюць   удзел   у   шматлiкiх   замежных  конкурсах,  фестывалях,
выстаўках,  знаёмяць  грамадскасць  розных краiн з багаццем культуры
Беларусi,    лепшымi    дасягненнямi    нацыянальных   мастацкiх   i
выканальнiцкiх школ.
     Разам  з  тым, аналiз дзейнасцi галiновых навучальных устаноў у
гэтым  напрамку  выявiў шэраг недахопаў у арганiзацыi i ажыццяўленнi
замежных   паездак  прадстаўнiкоў  навучальных  устаноў  культуры  i
мастацтва.
     Загадваю:
    
     1.  Дырэктарам,  рэктарам  навучальных  устаноў галiны замежныя
паездкi навучэнцаў i студэнтаў дазваляць ажыццяўляць,  як правiла, у
час канiкул (акрамя выездаў на конкурсы, фестывалi, выстаўкi).

     2.  Устанавiць,  што сумы фiнансавых сродкаў, якiя атрымлiваюць
за   межамi   краiны  прадстаўнiкi  навучальных  устаноў  галiны  за
правядзенне канцэртаў, выставак, iншых мерапрыемстваў цi ад фiзiчных
асоб  у  якасцi  ахвяравання,  павiнны  быць пацверджаны адпаведнымi
фiнансавымi дакументамi i выкарыстоўвацца ва ўстаноўленым парадку.
    
 Першы намеснiк Мiнiстра                                 У.П.РЫЛАТКА

<<< Главная страница | < Назад