РАШЭННЕ ВЫКАНАЎЧАГА КАМIТЭТА
         МIНСКАГА ГАРАДСКОГА САВЕТА НАРОДНЫХ ДЭПУТАТАЎ
                       13 мая 1993 г. № 263

АБ ПЕРАКЛАДЗЕ I ЎСТАНОЎЦЫ ШЫЛЬДАЎ УСТАНОЎ,
АРГАНIЗАЦЫЙ, ПРАДПРЫЕМСТВАЎ, ФIРМАЎ I IНШЫХ
IНФАРМАЦЫЙНЫХ НАДПIСАЎ НА БЕЛАРУСКАЙ МОВЕ

     У мэтах  выканання  Закона  Рэспублiкi  Беларусь  "Аб  мовах  у
Рэспублiцы Беларусь" i надання статусу дзяржаўнасцi беларускай  мове
Мiнскi гарадскi выканаўчы камiтэт народных дэпутатаў вырашыў:
     1. Перакласцi  на   беларускую   мову   ўсе   шыльды   ўстаноў,
арганiзацый, прадпрыемстваў, фiрмаў i iншыя iнфармацыйныя надпiсы ў
г.Мiнску i ўстанавiць iх да 1 снежня 1993 г.
     1.1. У   цэнтральнай   частцы   горада  (пр.Францiшка  Скарыны,
пр.Машэрава,  вулiцы Нямiга,  М.Багдановiча, Рэвалюцыйная, К.Маркса,
Кiрава,   Ф.Энгельса,  Ленiна,  Урыцкага,  Свярдлова,  Валадарскага,
Я.Купалы, Iнтэрнацыянальная, Ульянаўская, Бабруйская, Ленiнградская,
плошчы  Незалежнасцi i Прывакзальная) замену вышэйназваных шыльдаў i
надпiсаў зрабiць да 1 верасня 1993 г.
     2. У    далейшым   выконваць   шыльды   ўстаноў,   арганiзацый,
прадпрыемстваў i iншыя iнфармацыйныя надпiсы  толькi  на  беларускай
мове.
     2.1. Устаноўку  шыльдаў  з надпiсамi на iншых мовах, у парадку
выключэння, рабiць толькi з дазволу Мiнгарвыканкома.
     3. Надрукаваць  дадзенае  рашэнне  ў  гарадскiх  газетах "Добры
вечар", "Вячэрнi Мiнск".
     4. Кантроль за выкананнем дадзенага рашэння ўскласцi  на  члена
Мiнгарвыканкома,   начальнiка   ўпраўлення   "Мiнскгалоўархiтэктура"
Лiневiча Я.Л., упраўленне культуры Мiнгарвыканкома (Пятровiч А.Я.).

Старшыня гарсавета                                   А.М.ГЕРАСIМЕНКА

Кiраўнiк спраў                                       Л.М.ВАЛОДЗЬКIНА

<<< Главная страница | < Назад