ПРАТАКОЛ
АБ УСТАНАЎЛЕННI ДЫПЛАМАТЫЧНЫХ I КОНСУЛЬСКIХ АДНОСIН
ПАМIЖ РЭСПУБЛIКАЙ БЕЛАРУСЬ I РЭСПУБЛIКАЙ IНДЫЯЙ*

_____________________________
     *Уступiў у сiлу 17 красавiка 1992 г.

     Урад Рэспублiкi Беларусь i Урад Рэспублiкi Iндыi,
     жадаючы далей  развiваць адносiны дружбы i супрацоўнiцтва памiж
дзвюма краiнамi,
     грунтуючыся на прынцыпах узаемнай павагi суверэнiтэту, роўнасцi
i неўмяшання ва ўнутраныя справы адзiн аднаго,
     улiчваючы цэлi i прынцыпы Статута Арганiзацыi Аб`яднаных Нацый,
     будучы прыхiльнымi да падтрымання мiжнароднага мiру i бяспекi,
     Пагадзiлiся
     ўстанавiць дыпламатычныя   адносiны  памiж  дзвюма  краiнамi  ў
адпаведнасцi з  палажэннямi  Венскай  канвенцыi   аб   дыпламатычных
зносiнах ад  18  красавiка  1961  года  i  абмяняцца  дыпламатычнымi
мiсiямi на ўзроўнi Пасольстваў;
     устанавiць консульскiя   адносiны   памiж   дзвюма  краiнамi  ў
адпаведнасцi з палажэннямi Венскай канвенцыi аб консульскiх зносiнах
ад 24  красавiка 1963 года i любымi iншымi пагадненнямi,  што могуць
быць заключаны памiж iмi ў гэтай сувязi.

     Учынена ў Мiнску 17 красавiка  1992  года  ў  двух  экземплярах
кожны на  беларускай,  англiйскай мовах i хiндзi,  прычым ўсе тэксты
маюць аднолькавую сiлу.  У  выпадку  сумнення  перавагу  будзе  мець
англiйскi тэкст.

За Урад Рэспублiкi Беларусь           За Урад Рэспублiкi Iндыi
У.Астапенка                           Л.С.Гонсалвес
Намеснiк Мiнiстра замежных спраў      Надзвычайны i паўнамоцны Пасол
                                      Рэспублiкi Iндыi ў Маскве

<<< Главная страница | < Назад