ПАГАДНЕННЕ
ПАМIЖ УРАДАМ РЭСПУБЛIКI БЕЛАРУСЬ I УРАДАМ РЭСПУБЛIКI
ПОЛЬШЧА АБ МIЖНАРОДНЫХ АўТАМАБIЛЬНЫХ ЗНОСIНАХ *)
===
_____________________________
*) Уступiла ў сiлу 25 жнiўня 1995 г.
Урад Рэспублiкi Беларусь i Урад Рэспублiкi Польшча, якiя ў
далейшым называюцца "Дагаворныя Бакi", жадаючы спрыяць развiццю
перавозак аўтамабiльным транспартам пасажыраў i грузаў памiж
абедзвюма краiнамi, а таксама транзiтам праз iх тэрыторыi,
ДАМОВIЛIСЯ АБ НАСТУПНЫМ:
Артыкул 1
Сфера прымянення
1. Умовы дадзенага Пагаднення рэгламентуюць перавозкi пасажыраў
i грузаў, утвораных або прызначаных на тэрыторыю аднаго Дагаворнага
Боку, транзiтам праз яго тэрыторыю ў трэцюю дзяржаву, з тэрыторыi
другога Дагаворнага Боку i наадварот, якiя выконваюцца транспартнымi
сродкамi, зарэгiстраванымi на тэрыторыi аднаго з Дагаворных Бакоў.
2. Нi адна з умоў дадзенага Пагаднення не дазваляе перавозчыкам
аднаго Дагаворнага Боку выконваць перавозкi пасажыраў або грузаў
памiж двума пунктамi, якiя знаходзяцца на тэрыторыi другога
Дагаворнага Боку.
Артыкул 2
Азначэннi
1. Азначэнне "перавозчык" абазначае фiзiчную або юрыдычную
асобу, якая пражывае цi выбрала месца прабывання ў Рэспублiцы
Беларусь, цi ў Рэспублiцы Польшча i якая мае права выконваць
мiжнародныя аўтамабiльныя перавозкi згодна з дзеючым заканадаўствам
яго Дзяржавы.
2. Азначэнне "транспартны сродак" абазначае:
а) дарожны транспартны сродак з механiчным прывадам, якi
сканструяваны цi прыстасаваны для транспарцiроўкi грузаў або
выканання перавозак транспартнымi сродкамi, прызначанымi для iх у
якасцi цягачоў;
б) комплекс сродкаў перамяшчэння, у якi ўваходзiць транспартны
сродак, рэалiзуючы ўмовы, пералiчаныя ў пункце "а" дадзенага
артыкула, а таксама прычэп або паўпрычэп;
в) транспартны сродак з механiчным прывадам, абсталяваны
спецыяльным устройствам, якое зманцiравана пастаянна, складае яго
неад`емную частку i не з`яўляецца грузам;
г) транспартны сродак, прызначаны для перавозкi звыш 9
пасажыраў, уключаючы вадзiцеля.
Артыкул 3
Рэгулярныя перавозкi пасажыраў
1. Перавозчыкi аднаго з Дагаворных Бакоў могуць выконваць
рэгулярныя перавозкi пасажыраў аўтобусамi памiж тэрыторыямi абодвух
Дагаворных Бакоў, а таксама транзiтам праз iх тэрыторыю пасля
папярэдне атрыманага дазволу.
2. Азначэнне "рэгулярная перавозка пасажыраў" абазначае
перавозку пасажыраў на вызначанай трасе згодна з раскладам i на
аснове тарыфаў, папярэдне ўстаноўленых i апублiкаваных.
3. Кампетэнтныя органы кожнага з Дагаворных Бакоў выдаюць
дазволы на частку перавозак, якiя выконваюцца на яго тэрыторыi.
4. Кампетэнтныя органы Дагаворных Бакоў вызначаюць Выканаўчым
пратаколам да Пагаднення спосабы i Ўмовы выдачы дазволаў i iх
выкарыстання.
5. Маятнiковыя перавозкi разглядаюцца таксама, як i рэгулярныя.
Артыкул 4
Нерэгулярныя перавозкi пасажыраў
Для перавозак пасажыраў аўтобусамi, якiя не з`яўляюцца
рэгулярнымi, не патрабуецца папярэдняе атрыманне дазволаў
кампетэнтных органаў Дагаворных Бакоў пры ўмове, што:
а) транспартны сродак перавозiць адну i тую ж групу пасажыраў
на усёй трасе без замены або пакiдання пасажыраў на працягу паездкi;
б) паездка транспартнага сродку з пасажырамi праводзiцца ў
адным напрамку, а ў зваротным напрамку аўтобус рухаецца паражняком i
наадварот.
Артыкул 5
Перавозкi грузаў
1. Перавозчыкi кожнага з Дагаворных Бакоў могуць выконваць
перавозкi грузаў i праязджаць паражняком:
а) памiж пунктам, размешчаным на тэрыторыi аднаго Дагаворнага
Боку, i пунктам, якi знаходзiцца на тэрыторыi другога Дагаворнага
Боку;
б) транзiтам праз тэрыторыю другога Дагаворнага Боку;
в) памiж пунктам, размешчаным на тэрыторыi аднаго з Дагаворных
Бакоў, i пунктам, якi знаходзiцца на тэрыторыi трэцяй дзяржавы i
наадварот.
2. Перавозчыкi аднаго з Дагаворных Бакоў маюць права перавозкi
зваротнага грузу на тэрыторыi другога Дагаворнага Боку.
Артыкул 6
Дазволы
1. Перавозкi грузаў, пералiчаных у артыкуле 5, за выключэннем
перавозак, вызначаных у артыкуле 7, могуць выконвацца выключна на
аснове дазволаў, папярэдне выдадзеных кампетэнтнымi органамi
дзяржавы, у якой зарэгiстраваны транспартны сродак, ад iмя
кампетэнтных органаў другога Дагаворнага Боку.
2. Кампетэнтныя органы Дагаворных Бакоў перадаюць узаемна
дазволы, указаныя ў пункце 1 дадзенага артыкула.
Артыкул 7
Вызваленне ад атрымання дазволаў
1. Не патрабуецца атрыманне дазволаў на перавозкi:
а) рэчаў пры перасяленнi;
б) матэрыялаў i прадметаў, у тым лiку твораў мастацтва,
прызначаных для кiрмашоў, выставаў або мерапрыемстваў негандлёвага
характару на тэрыторыi другога Дагаворнага Боку;
в) матэрыялаў i рэчаў, прызначаных для рэкламных i
iнфармацыйных мэт;
г) абсталявання, рэчаў i звяроў, прызначаных для мерапрыемстваў
тэатра, музыкi, паказу кiнафiльмаў, спорту, у цырках, на рынках,
кiрмашах на тэрыторыi другога Дагаворнага Боку;
д) абсталявання, прызначанага для гуказапiсу, здымак кiно- цi
тэлефiльмаў, якiя ўваходзяць у экiпiроўку прафесiйных арганiзацый;
е) целаў нябожчыкаў;
ж) аварыйных транспартных сродкаў i аўтамабiляў тэхнiчнай
дапамогi.
2. Змешаная камiсiя, указаная ў артыкуле 15, упаўнаважана
змяняць адпаведныя дазволы, прадугледжаныя ў пункце 1.
Артыкул 8
Кантынгент дазволаў
1. Дазволы на выкананне перавозак грузаў выдаюцца ў
адпаведнасцi з парадкам узаемнага Пагаднення ў рамках кантынгенту,
якi штогод устанаўлiваецца кампетэнтнымi органамi Дагаворных Бакоў.
2. Катэгорыi дазволаў, умовы i спосабы iх выкарыстання
ўстанаўлiваюцца Выканаўчым пратаколам да Пагаднення.
Артыкул 9
Перавозкi, якiя патрабуюць спецыяльнага дазволу
1. Для перавозак транспартнымi сродкамi, агульная маса або
габарыты якiх з грузам цi без яго перавышаюць нормы, што дапускаюцца
на тэрыторыi аднаго Дагаворнага Боку, патрабуюцца спецыяльныя
дазволы, якiя выдаюцца кампетэнтнымi органамi гэтага Дагаворнага
Боку.
2. Спецыяльны дазвол, яб якiм iдзе гаворка ў пункце 1, можа
абмяжоўваць праезд транспартнага сродку па вызначанай трасе.
3. Спецыяльныя дазволы на перавозкi ўключаюць у сябе дазволы на
перавозкi, указаныя ў пункце 1 артыкула 6 дадзенага Пагаднення.
4. Кожны Дагаворны Бок захоўвае за сабой права патрабаваць
спецыяльных дазволаў на перавозкi небяспечных матэрыялаў, якiя
выконваюцца перавозчыкамi другога Дагаворнага Боку.
Артыкул 10
Падаткi i аплата
1. Перавозкi пасажыраў i грузаў, пералiчаныя ў дадзеным
Пагадненнi, падлягаюць аплаце i падаткаабкладанню ў адпаведнасцi з
заканадаўствам, дзеючым на тэрыторыi другога Дагаворнага Боку.
2. Змешаная камiсiя можа ўзгадняць частковае цi поўнае
вызваленне ад аплаты i падаткаў, аб якiх iдзе гаворка ў пункце 1
дадзенага артыкула, за выключэннем перавозак, вызначаных у пункце 1
артыкула 9.
Артыкул 11
Палiва i запасныя часткi
1. Палiва, якое знаходзiцца ў звычайных баках, устаноўленых на
транспартных сродках, вызваляецца ад мытных пошлiн i iншых аплат.
Пад звычайным бакам неабходна разумець палiўны бак, якi
прадугледжаны канструкцыяй дадзенага транспартнага сродку.
2. Запасныя часткi, якiя часова ўвозяцца з мэтай рамонту
няспраўнага транспартнага сродку або пацярпеўшага аварыю на
тэрыторыi другога Дагаворнага Боку, вызваляюцца ад мытных пошлiн,
падаткаў i iншых належных аплат, якiя збiраюцца на аснове законаў,
дзеючых на тэрыторыi другога Дагаворнага Боку.
Замененыя запасныя часткi павiнны быць вывезены назад або
знiшчаны пад мытным кантролем.
Артыкул 12
Кантроль
1. Дазволы i iншыя дакументы, неабходныя ў адпаведнасцi з
умовамi дадзенага Пагаднення i ўнутранымi правiламi, павiнны
знаходзiцца ў транспартным сродку i прад`яўляцца па патрабаванню
кантралюючых органаў.
2. Пагранiчны, мытны i санiтарны кантроль будзе ажыццяўляцца ў
першую чаргу пры перавозках цяжкахворых, рэгулярных перавозках
пасажыраў аўтобусамi, а таксама пры перавозках жывёлы i
скорапсавальных грузаў.
Артыкул 13
Унутранае заканадаўства
1. Перавозчыкi аднаго Дагаворнага Боку, а таксама экiпажы
транспартных сродкаў павiнны ў час свайго знаходжання на тэрыторыi
другога Дагаворнага Боку выконваць дзеючыя на ёй юрыдычныя нормы, у
асаблiвасцi тыя, што датычацца перавозак i дарожнага руху.
2. Пытаннi, не ўрэгуляваныя дадзеным Пагадненнем або iншымi
мiжнароднымi канвенцыямi, удзельнiкамi якiх з`яўляюцца Дагаворныя
Бакi, будуць вырашацца згодна з унутраным заканадаўствам кожнага з
Дагаворных Бакоў.
Артыкул 14
Парушэннi
1. У выпадку парушэння ўмоў дадзенага Пагаднення перавозчыкам
аднаго з Дагаворных Бакоў на тэрыторыi другога Дагаворнага Боку,
кампетэнтныя органы другога Дагаворнага Боку iнфармуюць аб гэтым
кампетэнтныя органы Дагаворнага Боку, на тэрыторыi якога
зарэгiстраваны транспартны сродак.
2. Кампетэнтныя органы Дагаворнага Боку, на тэрыторыi якога
адбылося парушэнне, могуць звярнуцца да кампетэнтных органаў другога
Дагаворнага Боку з мэтай:
а) папярэджання перавозчыка, якi зрабiў парушэнне;
б) часовага, частковага або поўнага прыпынення правоў
перавозчыка на выкананне перавозак на тэрыторыi Дагаворнага Боку,
дзе дапушчана парушэнне.
3. Улады, якiя прынялi вышэйуказаныя меры, iнфармуюць аб гэтым
кампетэнтныя органы другога Дагаворнага Боку.
4. Падпiсаннi дадзенага артыкула не выключаюць санкцыi,
прадугледжаныя заканадаўствам дзяржавы, на тэрыторыi якой учынена
парушэнне.
Артыкул 15
Прымяненне Пагаднення
1. Для забеспячэння належных умоў для выканання дадзенага
Пагаднення Дагаварныя Бакi ствараюць Змешаную камiсiю.
2. Камiсiя збiраецца па прапанове аднаго з Дагаворных Бакоў
папераменна на тэрыторыi кожнага з Дагаворных Бакоў.
3. Камiсiя распрацоўвае Выканаўчы пратакол да дадзенага
Пагаднення.
Артыкул 16
Увод у дзеянне i ўступленне ў законную сiлу
Пагаднення
1. Дадзенае Пагадненне прымаецца ў адпаведнасцi з
заканадаўствам кожнага з Дагаворных Бакоў i ўводзiцца ў дзеянне ў
тэрмiн, устаноўлены шляхам абмену дыпламатычнымi нотамi, якiя
пацвярджаюць гэта прыняцце.
2. Дадзенае Пагадненне заключана на 5 гадоў. Яно належыць
прадаўжэнню аўтаматычна на адзiн год, калi нi адзiн з Дагаворных
Бакоў не паведамiць другому Боку на працягу трох месяцаў да
заканчэння тэрмiну дзеяння Пагаднення аб сваiм жаданнi спынiць
дзеянне дадзенага Пагаднення шляхам натыфiкацыi.
3. Дадзенае Пагадненне будзе прымяняцца часова з дня яго
падпiсання.
Учынена ў Мiнску 20 мая 1992 г. у двух экзэмплярах, кожны на
беларускай i польскай мовах, прычым абодва тэксты маюць аднолькавую
сiлу.
За Урад Рэспублiкi Беларусь ______________ подпiс
За Урад Рэспублiкi Польшча ______________ подпiс
<<< Главная
страница | < Назад
|
