ПАГАДНЕННЕ
ПАМIЖ МIНIСТЭРСТВАМ ЛЯСНОЙ ГАСПАДАРКI РЭСПУБЛIКI БЕЛАРУСЬ
I МIНIСТЭРСТВАМ НАВАКОЛЬНАГА АСЯРОДДЗЯ ЛIТОЎСКАЙ РЭСПУБЛIКI
АБ СУПРАЦОЎНIЦТВЕ Ў ГАЛIНЕ ЛЯСНОЙ ГАСПАДАРКI*

_____________________________
     *Уступiла ў сiлу 30 сакавiка 2000 г.

     Мiнiстэрства лясной    гаспадаркi    Рэспублiкi    Беларусь   i
Мiнiстэрства навакольнага асяроддзя Лiтоўскай Рэспублiкi, якiя далей
называюцца "Бакi",
     выказваючы намер  паслядоўна  i   на   доўгатэрмiновай   аснове
развiваць двухбаковае супрацоўнiцтва ў галiне лясной гаспадаркi,
     пагадзiлiся аб наступным:

                             Артыкул 1

     Бакi будуць  ажыццяўляць   супрацоўнiцтва   ў   галiне   лясной
гаспадаркi  на аснове раўнапраўя i ўзаемнай карысцi ў адпаведнасцi з
дзеючымi заканадаўствамi дзяржаў Бакоў.

                             Артыкул 2

     1. Узаемнае  супрацоўнiцтва  памiж Бакамi будзе ажыццяўляцца па
наступных асноўных накiрунках:
     а) адмiнiстрацыйныя,  прававыя i эканамiчныя аспекты  кiравання
лясамi;
     б) шматфункцыянальнае  выкарыстанне  i  ўзмацненне  экалагiчных
функцый лясоў;
     в) захаванне генетычнага  фонду  i  бiялагiчнай  разнастайнасцi
лясной раслiннасцi;
     г) узнаўленне лясоў;
     д) ахова лясоў ад пажараў;
     е) абарона лясоў ад шкоднiкаў i хвароб;
     ж) арганiзацыя лесаўладкавання;
     з) манiторынг лясоў.
     2. Iншыя  накiрункi супрацоўнiцтва могуць быць уключаны ў данае
Пагадненне па ўзаемнай дамоўленасцi Бакоў.

                             Артыкул 3

     1. Супрацоўнiцтва ў рамках данага Пагаднення памiж Бакамi будзе
ажыццяўляцца ў наступных формах:
     а) абмен  вопытам  работы па накiрунках,  указаных у артыкуле 2
данага Пагаднення, дэлегацыямi вучоных i спецыялiстаў;
     б) абмен  навукова-тэхнiчнай   iнфармацыяй,   дакументацыяй   i
вынiкамi навуковых даследаванняў;
     в) правядзенне   канферэнцый,  сiмпозiумаў,  нарад,  семiнараў,
выставак;
     г) ажыццяўленне сумесных праграм i  праектаў  у  галiне  лясной
гаспадаркi,   а   таксама   правядзенне   сумесных  даследванняў  па
праблемах, якiя ўяўляюць узаемны iнтарэс.
     2. Iншыя  формы  супрацоўнiцтва  могуць  быць  уключаны ў данае
Пагадненне па ўзаемнай згодзе Бакоў.

                             Артыкул 4

     Бакi будуць садзейнiчаць устанаўленню i развiццю прамых сувязяў
па  пытаннях  лясной  гаспадаркi памiж юрыдычнымi асобамi Рэспублiкi
Беларусь i Лiтоўскай Рэспублiкi.

                             Артыкул 5

     Абмен навукова-тэхнiчнай iнфармацыяй,  дакументацыяй i вынiкамi
навуковых даследаванняў,  ажыццяўленне сумесных праграм i праектаў i
iншыя формы супрацоўнiцтва,  указаныя  ў  артыкулах  3  i  4  данага
Пагаднення,   будуць   ажыццяўляцца   ў   адпаведнасцi   з   дзеючым
заканадаўствам дзяржаў Бакоў на ўзаемавыгаднай эквiвалентнай аснове.

                             Артыкул 6

     3 мэтай каардынацыi работ  па  ажыццяўленню  данага  Пагаднення
Бакi  ў  рамках дзеючага заканадаўства дзяржаў Бакоў могуць стварыць
сумесную рабочую групу.

                             Артыкул 7

     1. Данае Пагадненне ўступае ў сiлу з  даты  атрымання  апошняга
паведамлення   аб   выкананнi   Бакамi   ўнутрыдзяржаўных  працэдур,
неабходных для ўступлення Пагаднення ў сiлу.
     2. Данае Пагадненне заключаецца тэрмiнам на 5 гадоў.  Затым яго
дзеянне аўтаматычна прадаўжаецца на наступны пяцiгадовы тэрмiн, калi
нiводны  з  Бакоў  не  пазней  чым  за  тры  месяцы  не паведамiць у
пiсьмовай форме другому Боку аб спыненнi дзеяння данага Пагаднення.
     3. Палажэннi данага Пагаднення Бакi могуць мяняць або дапаўняць
па ўзаемнай пiсьмовай згодзе.  Гэтыя змяненнi i дапаўненнi ўступаюць
у сiлу ў адпаведнасцi з пунктам 1 данага артыкула.
     4. Выканана  ў  г.Вiльнюсе  30  сакавiка  2000  года   ў   двух
сапраўдных  экземплярах,  кожны  на  беларускай  i  лiтоўскай мовах,
прычым абодва тэксты маюць аднолькавую сiлу.

За Мiнiстэрства лясной                За Мiнiстэрства навакольнага
гаспадаркi Рэспублiкi Беларусь        асяроддзя Лiтоўскай Рэспублiкi
Подпiс                                Подпiс

<<< Главная страница | < Назад