ПРАВО - Законодательство Республики Беларусь
 
Реклама в Интернет
"Все Кулички"
Поиск документов

Реклама
Рассылка сайта
Content.Mail.Ru
Реклама


 

 

Правовые новости


Новые документы


Авто новости


Юмор




по состоянию на 17 октября 2004 года

<<< Главная страница | < Назад


ПАГАДНЕННЕ
ПАМIЖ МIНIСТЭРСТВАМ КУЛЬТУРЫ РЭСПУБЛIКI БЕЛАРУСЬ
I МIНIСТЭРСТВАМ КУЛЬТУРЫ ЭСТОНСКАЙ РЭСПУБЛIКI
АБ СУПРАЦОЎНIЦТВЕ Ў ГАЛIНЕ КУЛЬТУРЫ*

______________________________
     *Уступiла ў сiлу 24 жнiўня 2004 г.

     Мiнiстэрства культуры  Рэспублiкi   Беларусь   i   Мiнiстэрства
культуры Эстонскай Рэспублiкi, у далейшым названыя "Бакi",
     упэўненыя, што культурнае супрацоўнiцтва садзейнiчае ўмацаванню
ўзаемаразумення памiж народамi i развiццю дружалюбных адносiн,
     кiруючыся  iмкненнем  развiваць i ўдасканальваць узаемавыгаднае
супрацоўнiцтва ў галiне культуры i мастацтва,
     пагадзiлiся аб нiжэйпададзеным:

                             Артыкул 1

     Бакi абавязваюцца ствараць спрыяльныя  ўмовы  для  двухбаковага
супрацоўнiцтва ў галiне культуры i мастацтва.

                             Артыкул 2

     Бакi будуць  садзейнiчаць  устанаўленню  i развiццю кантактаў у
галiне  музычнага  мастацтва  памiж  канцэртнымi   арганiзацыямi   i
творчымi саюзамi,  абмену салiстамi i калектывамi, спрыяць узаемнаму
ўдзелу ў мiжнародных конкурсах i фестывалях,  якiя  арганiзуюцца  на
тэрыторыi сваiх краiн.

                             Артыкул 3

     Бакi будуць  падтрымлiваць  прамыя  кантакты памiж тэатральнымi
саюзамi,  драматычнымi,  лялечнымi i iншымi тэатрамi  абодвух  Бакоў
шляхам арганiзацыi гастроляў i выступленняў тэатральных калектываў i
асобных выканаўцаў,  а таксама ўдзелу ў  тэатральных  фестывалях  на
ўзаемнай аснове.

                             Артыкул 4

     Бакi будуць  падтрымлiваць прамое супрацоўнiцтва памiж музеямi,
галерэямi,  мастацкiмi цэнтрамi  Беларусi  i  Эстонii,  якiя  будуць
ажыццяўляць абмен спецыялiстамi ў галiне музейнай справы,  а таксама
абменьвацца даведачнымi матэрыяламi i на ўзаемнай аснове iнфармаваць
аб навуковых канферэнцыях i семiнарах па пытаннях музейнай справы.
     Бакi  на ўзаемнай аснове будуць арганiзоўваць музейныя выстаўкi
i  выстаўкi  сучаснага  мастацтва.  Умовы,  час  i месца правядзення
выставак Бакi будуць вызначаць у рабочым парадку.

                             Артыкул 5

     Бакi будуць  заахвочваць  устанаўленне  прамых  сувязей   памiж
бiблiятэкамi дзвюх краiн,  уключаючы абмен лiтаратурай,  друкаванымi
выданнямi i спецыялiстамi ў галiне бiблiятэчнай справы.
     Бакi будуць  садзейнiчаць  удзелу  спецыялiстаў  у  семiнарах i
навукова-практычных  канферэнцыях,   абмену   кнiжнымi   выстаўкамi,
метадычнымi,   бiблiяграфiчнымi   матэрыяламi   i   артыкуламi   для
публiкацыi ў бiблiятэчных выданнях абодвух Бакоў.

                             Артыкул 6

     Бакi будуць  падтрымлiваць  прамое  супрацоўнiцтва   ў   галiне
кiнавiдэамастацтва,  уключаючы  ўдзел  у мiжнародных кiнафестывалях,
абмен  iнфармацыяй,  рэкламнымi  матэрыяламi,  часопiсамi  i  iншымi
публiкацыямi ў гэтай галiне.
     Бакi будуць  iмкнуцца  да   стварэння   спрыяльных   умоў   для
супрацоўнiцтва памiж установамi кiнематаграфii Беларусi i Эстонii.

                             Артыкул 7

     Бакi будуць  аказваць  садзейнiчанне  супрацоўнiцтву  ў  галiне
мастацкай адукацыi,  спрыяць  павышэнню  квалiфiкацыi  работнiкаў  i
спецыялiстаў     у    сферы    культуры    i    мастацтва,    абмену
навукова-метадычнай   iнфармацыяй,   стажыроўкам    выкладчыкаў    i
студэнтаў.
     Бакi будуць  садзейнiчаць   удзелу   студэнтаў   i   навучэнцаў
навучальных  устаноў мастацтва ў мiжнародных конкурсах i фестывалях,
якiя праводзяцца для маладых выканаўцаў у абедзвюх краiнах.
     Бакi  будуць  садзейнiчаць  устанаўленню  прамых  сувязей памiж
установамi культуры i мастацтва, а таксама навучальнымi ўстановамi ў
галiне мастацкай адукацыi.

                             Артыкул 8

     Бакi будуць абменьвацца iнфармацыяй аб канферэнцыях,  семiнарах
i    iншых    мерапрыемствах    па    пытаннях    культуралогii    i
мастацтвазнаўства,   якiя   арганiзуюцца  ў  Рэспублiцы  Беларусь  i
Эстонскай Рэспублiцы,  i запрашаць на ўзаемнай аснове спецыялiстаў у
гэтай галiне з мэтай удзелу i абмену вопытам.

                             Артыкул 9

     Бакi будуць  падтрымлiваць  супрацоўнiцтва  ў  галiне  аховы  i
рэстаўрацыi аб`ектаў гiсторыка-культурнай  спадчыны  i  садзейнiчаць
абмену  спецыялiстамi  з  мэтай азнаямлення з вопытам работы ў гэтай
галiне.

                             Артыкул 10

     Бакi будуць садзейнiчаць супрацоўнiцтву ў  галiне  самадзейнага
мастацтва,   ажыццяўляць   абмен  спецыялiстамi  ў  галiне  народнай
творчасцi,  а  таксама  на  ўзаемнай  аснове  запрашаць  фальклорныя
ансамблi  для  ўдзелу  ў  мiжнародных  фальклорных фестывалях,  якiя
арганiзуюцца ў абедзвюх краiнах.

                             Артыкул 11

     Бакi будуць ствараць спрыяльныя ўмовы для захавання i  развiцця
нацыянальнай  самабытнасцi i культуры беларусаў,  якiя пражываюць на
тэрыторыi Эстонскай  Рэспублiкi,  i  эстонцаў,  якiя  пражываюць  на
тэрыторыi Рэспублiкi Беларусь.

                             Артыкул 12

     Бакi па   меры   неабходнасцi  будуць  абменьвацца  дэлегацыямi
спецыялiстаў у галiне  культуры  i  мастацтва  з  мэтай  развiцця  i
ўдасканальвання супрацоўнiцтва ў галiне культуры. Склад дэлегацый, а
таксама тэрмiны вiзiтаў будуць вызначацца Бакамi ў рабочым парадку.

                             Артыкул 13

     Культурнае супрацоўнiцтва памiж  Бакамi  будзе  ажыццяўляцца  ў
адпаведнасцi з наступнымi прынцыпамi:
     1. Пры абмене дэлегацыямi, калектывамi i прадстаўнiкамi:
     накiроўваючы Бок аплачвае выдаткi па праезду сваiх удзельнiкаў,
транспарцiроўцы вытворчага багажу ў абодва бакi;
     прымаючы Бок  аплачвае  выдаткi  па пражываннi i харчаваннi,  а
таксама транспартныя выдаткi на тэрыторыi краiны прымаючага  Боку  ў
адпаведнасцi з праграмай знаходжання;
     у кожным канкрэтным выпадку  ўмовы  абмену  будуць  агаворвацца
Бакамi дадаткова.
     2. Пры  арганiзацыi  музейных  выставак,  а  таксама   выставак
сучаснага мастацтва:
     Бакi  дамовiлiся,  што  ўмовы  i  прынцыпы арганiзацыi выставак
будуць  вызначацца  пратаколам  памiж  непасрэднымi   арганiзатарамi
выстаўкi ў кожным канкрэтным выпадку.

                             Артыкул 14

     Бакi будуць аказваць садзейнiчанне ў вырашэннi вiзавых пытанняў
для  членаў  афiцыйных  дэлегацый, творчых калектываў, прадстаўнiкоў
устаноў  культуры  iншага  Боку, якiя накiроўваюцца для арганiзацыi,
падрыхтоўкi  i правядзення ўзгодненых мерапрыемстваў, у адпаведнасцi
з нацыянальнымi заканадаўствамi.

                             Артыкул 15

     Гэта Пагадненне не выключае магчымасцi арганiзацыi ў яго рамках
iншых  мерапрыемстваў,  праектаў  i  праграм,  узгодненых  Бакамi  ў
рабочым парадку.

                             Артыкул 16

     Па ўзаемнай згодзе Бакоў у гэта Пагадненне могуць быць  унесены
змяненнi  i  дапаўненнi ў пiсьмовым выглядзе,  якiя будуць з`яўляцца
яго неад`емнай часткай.

                             Артыкул 17

     Гэта Пагадненне ўступае ў сiлу з дня падпiсання i дзейнiчае  на
працягу  пяцi  гадоў.  Яго  дзеянне будзе аўтаматычна працягвацца на
наступныя пяцiгадовыя перыяды,  калi нi адзiн з  Бакоў  у  пiсьмовай
форме  не  паведамiць  iншаму  Боку  за  шэсць месяцаў да заканчэння
дзеяння Пагаднення аб сваiм намеры спынiць яго дзеянне.

     Здзейснена ў  горадзе  Талiне  24  жнiўня  2004  года  ў   двух
экземплярах,  кожны  на беларускай i эстонскай мовах,  прычым абодва
тэксты маюць аднолькавую сiлу.

За Мiнiстэрства культуры                    За Мiнiстэрства культуры
Рэспублiкi Беларусь                         Эстонскай Рэспублiкi
Подпiс                                      Подпiс



<<< Главная страница | < Назад

<<<<                                                                                         >>>>


Новости партнеров
pravo.kulichki.ru ::: pravo.kulichki.com ::: pravo.kulichki.net
2004-2015 Республика Беларусь
Rambler's Top100
Разное


Разное
Спецпроект "Тюрьма"

 

Право России