|
ДАГАВОР
ПАМIЖ УРАДАМ РЭСПУБЛIКI БЕЛАРУСЬ I УРАДАМ
РЭСПУБЛIКI ПОЛЬШЧА АБ СУПРАЦОЎНIЦТВЕ Ў
ГАЛIНЕ НАВУКI I ТЭХНАЛОГIЙ *)
===
_____________________________
*) Уступiў у сiлу 18 лiстапада 1992 г.
Урад Рэспублiкi Беларусь i Урад Рэспублiкi Польшча (якiя ў
далейшым называюцца "Дагаворныя Бакi"),
улiчваючы iснуючыя памiж дзвюма дзяржавамi дружалюбныя сувязi
прызнаючы важную ролю навукi i тэхналогiй у развiццi эканомiкi,
жадаючы ўмацаваць i развiць эканамiчнае, навуковае i
навукова-тэхнiчнае супрацоўнiцтва на аснове раўнапраўя i ўзаемнай
выгады
дамовiлiся аб наступным:
Артыкул 1
Дагаворныя Бакi будуць умацоўваць i развiваць супрацоўнiцтва ў
галiне навукi i тэхналогiй памiж дзвюма дзяржавамi на аснове
раўнапраўя i ўзаемнай выгады ў адпаведнасцi з умовамi гэтага
Дагавора i дзеючым заканадаўствам кожнага Дагаворнага Бока.
Артыкул 2
Супрацоўнiцтва будзе ўключаць наступныя формы:
выкананне сумесных праектаў даследаванняў i
вопытна-канструктарскiх распрацовак, абмен iх вынiкамi, а таксама
вучонымi i iншымi спецыялiстамi, якiя ўдзельнiчаюць у рэалiзацыi
гэтых праектаў;
правядзенне сумесных навуковых канферэнцый, сiмпозiўмаў,
курсаў, семiнараў, выстаў i iншых мерапрыемстваў;
абмен навуковай, навукова-тэхнiчнай iнфармацыяй i
дакументацыяй;
сумеснае выкарыстанне навукова-даследчых прыбораў i навуковаго
абсталявання;
стварэнне сумесных навукова-тэхнiчных цэнтраў i творчых
калектываў.
У адпаведнасцi з гэтым Дагаворам могуць выкарыстоўвацца iншыя
формы навуковага i навукова-тэхнiчнага супрацоўнiцтва на аснове
ўзаемнай дамоўленасцi.
Артыкул 3
1. У мэтах выканання дадзенага дагавора павiнна быць створана
Мiжурадавая Беларуска-Польская Камiсiя па супрацоўнiцтву ў галiне
навукi i тэхналогiй. Членамi гэтай Камiсii з'яўляюцца сустаршынi, iх
намеснiкi, сакратары i члены яе беларускай i польскай секцыi,
назаначаемыя ў парадку, устаноўленым кожным з Дагаворных Бакоў.
2. Асноўнымi задачамi Камiсii з'яўляюцца:
стварэнне спрыяльных умоў для рэалiзацыi гэтага Дагавора;
садзейнiчанне выкананню сумесных праграм i праектаў;
абмен меркаваннямi аб перспектывах навуковага i
навукова-тэхнiчнага супрацоўнiцтва i вывучэнне прапаноў па яго
развiццю.
3. Пасяджэннi Камiсii будуць праводзiцца па прапанове аднаго з
Дагаворных Бакоў не радзей чым адзiн раз у год пачаргова ў
Рэспублiцы Беларусь i Рэспублiцы Польшча.
4. Старшынствуе на пасяджэннi прадстаўнiк Дагаворнага Боку, на
тэрыторыi якога праходзiць пасяджэнне Камiсii.
5. Для арганiзацыi сваёй дзейнасцi Камiсiя распрацоўвае i
зацвярджае рэгламент работы.
Артыкул 4
Тэматыка супрацоўнiцтва ўзгадняецца Камiсiяй у выглядзе
Выканаўчых Праграм. Дагаворныя Бакi будуць заахвочваць заключэнне
доўгатэрмiновых пагадненняў, накiраваных на развiццё працяглага
супрацоўнiцтва памiж дзяржаўнымi органамi, даследчымi iнстытутамi,
навуковымi таварыствамi, вышэйшымi навучальнымi ўстановамi i iншымi
навукова-тэхнiчнымi арганiзацыямi (якiя далей называюцца
"супрацоўнiчаючымi арганiзацыямi").
Указаныя пагадненнi павiнны змяшчаць:
мэту i змест супрацоўнiцтва, а таксама арганiзацыi, адказныя за
рэалiзацыю сумесных праектаў i мерапрыемстваў;
крынiцы фiнансавання супрацоўнiцтва;
парадак выкарыстання вынiкаў сумесных даследаванняў i
распрацовак.
Артыкул 5
Расходы па абмену экспертамi, вучонымi i iншымi спецыялiстамi ў
рамках Дагавора будуць пакрывацца на наступнай аснове:
Дагаворны Бок, якi накiроўвае спецыялiстаў, аплачвае прамы i
зваротны бiлет на праезд памiж пунктамi назначэння дзвюх дзяржаў,
Дагаворны Бок, якi прымае спецыялiстаў, поўнасцю аплачвае
расходы на пражыванне, харчаванне, праезд i iншыя расходы на сваёй
тэрыторыi, калi гэта не супярэчыць пагадненням, упамянутым у
артыкуле 4, i калi не будзе iншай дамоўленасцi.
Артыкул 6
1. Навукова-тэхнiчная iнфармацыя, атрыманая ў вынiку сумеснай
дзейнасцi ў рамках гэтага Дагавора, за выключэннем звестак, якiя
з'яўляюцца камерцыйнай тайнай, павiнна перадавацца ў адпаведнасцi з
заканадаўствам Дагаворных Бакоў, а таксама правiламi i практыкай ў
супрацоўнiчаючых арганiзацыях.
2. Вучоныя, тэхнiчныя эксперты i арганiзацыi трэцiх краiн або
мiжнародныя арганiзацыi па згодзе абодвух Дагаворных Бакоў могуць
запрашацца для ўдзелу ў распрацоўках праектаў i праграмм, якiя
ажыццяўляюцца ў рамках гэтага Дагавора. Расходы, звязаныя з такiм
удзелам, як правiла, павiнны аплачвацца трэцiмi бакамi, калi
абодвума Дагаворнымi Бакамi не прадугледжаны i пiсьмова не
зафiксаваны iншы парадак.
Артыкул 7
З мэтай рэалiзацыi супрацоўнiцтва ў рамках гэтага Дагавора
кожны з Дагаворных Бакоў у адпаведнасцi з дзеючым на яго тэрыторыi
заканадаўствам будзе садзейнiчаць:
паскарэнню i спрашчэнню ўвозу i вывазу на сваю тэрыторыю i са
сваёй тэрыторыi на тэрыторыю другога Дагаворнага Боку абсталявання i
прыбораў;
паскарэнню i спрашчэнню ўезду на яго тэрыторыю i выезду з яго
тэрыторыi, а таксама перамяшчэнню i рабоце на яго тэрыторыi асоб,
якiя ўдзельнiчаюць у рэалiзацыi дадзенага Дагавора, уключаючы
забеспячэнне iм доступу ў неабходныя геаграфiчныя раёны, да
патрабуемых iнфармацыйных матэрыялаў, архiўных i бiблiятэчных
фондаў, iншых крынiц iнфармацыi, а таксама ва ўстановы i
арганiзацыi, што ўдзельнiчаюць у рэалiзацыi гэтага Дагавора.
Артыкул 8
Грамадзяне аднаго з Дагаворных Бакоў, якiя ўдзельнiчаюць у
ралiзацыi гэтага Дагавора i знаходзяцца пры гэтым на тэрыторыi
другога Дагаворнага Боку, забяспечваюцца медыцынскай дапамогай ва
ўсiх надзвычайных сiтуацыях i пры раптоўным захворваннi за кошт
Дагаворнага Боку, на тэрыторыi якога яны знаходзяцца.
Артыкул 9
Дагаварныя Бакi не нясуць адказнасцi за якi-небудзь урон,
нанесены юрыдычнымi i фiзiчнымi асобамi, якiя дзейнiчаюць ў рамках
рэалiзацыi гэтага Дагавора.
Артыкул 10
Палажэннi дадзенага Дагавора не супярэчаць iншым пагадненням i
дагаворам, падпiсаным памiж Дагаворнымi Бакамi, а таксама iншым
заключаным iмi мiжнародным пагадненням.
Артыкул 11
Пытаннi, звязаныя з тлумачэннем або выкананнем дадзенага
Дагавора павiнны вырашацца шляхам правядзення кансультацый памiж
Дагаворнымi Бакамi.
Артыкул 12
Гэты Дагавор уступае ў сiлу з дня падпiсання i дзейнiчае
бестэрмiнова.
Дагавор можа быць зменены i/або дапоўнены па ўзаемнай згодзе
Дагаворных Бакоў.
Кожны з Дагаворных Бакоў можа скасаваць гэты Дагавор шляхам
пiсьмовага паведамлення другога Дагаворнага Боку. Дагавор страчвае
сiлу па сканчэннi года з дня атрымання такога паведамлення.
Унясенне змяненняў або скасаванне гэтага Дагавора не павiнна
ўплываць на поўнае завяршэнне праектаў або праграм, ажыццяўляемых у
рамках дадзенага Дагавора.
Учынена ў г.Мiнску 18 лiстапада 1992 г. ў двух экземплярах на
беларускай i польскай мовах, прычым абодва тэксты маюць аднолькавую
сiлу.
За Урад Рэспублiкi Беларусь ______________ подпiс
За Урад Рэспублiкi Польша ______________ подпiс
|
