|
ПРАТАКОЛ АБ КАНСУЛЬТАЦЫЯХ ПАМIЖ МIНIСТЭРСТВАМ
ЗАМЕЖНЫХ СПРАЎ РЭСПУБЛIКI БЕЛАРУСЬ I МIНIСТЭРСТВАМ
ЗАМЕЖНЫХ СПРАЎ ВЕНГЕРСКАЙ РЭСПУБЛIКI *)
_____________________________
*) Уступiў у сiлу 10 мая 1993 г.
Мiнiстэрства замежных спраў Рэспублiкi Беларусь i Мiнiстэрства
замежных спраў Венгерскай Рэспублiкi, якiя далей называюцца "Бакi",
зыходзячы з жадання садзейнiчаць умацаванню супрацоўнiцтва i
бяспекi ў Еўропе ў адпаведнасцi са Статутам Арганiзацыi Аб'яднаных
Нацый, Хельсiнкскiм Заключным актам Нарады па бяспецы i
супрацоўнiцтву ў Еўропе, iншымi дакументамi Нарады па бяспецы i
супрацоўнiцтву ў Еўропе, у прыватнасцi, Парыжскай хартыяй для новай
Еўропы,
лiчачы карыснай практыку рэгулярных кансультацый i абмену
думкамi па мiжнародных пытаннях, якiя прадстаўляюць узаемны iнтарэс,
дамовiлiся аб нiжэйпададзеным:
Артыкул 1
Бакi будуць праводзiць кансультацыi па пытаннях
беларуска-венгерскiх адносiн, развiцця двухбаковага супрацоўнiцтва ў
галiне палiтыкi, эканомiкi, навукова-тэхнiчных сувязей, экалогii,
гуманiтарнага супрацоўнiцтва i культуры, а таксама па пытаннях,
звязаных з нацыянальнымi меншасцямi.
Артыкул 2
Бакi па меры неабходнасцi будуць праводзiць кансультацыi па
мiжнародных пытаннях, якiя прадстаўляюць узаемны iнтарэс. Гэтыя
кансультацыi, у прыватнасцi, будуць ахапляць наступныя галiны:
умацаванне мiру, стабiльнасцi i даверу ў Еўропе з мэтай
пабудовы дэмакратычнай, мiрнай i адзiнай Еўропы;
паслядоўнае развiццё i паглыбленне працэсу Нарады па бяспецы i
супрацоўнiцтву ў Еўропе;
развiццё кантактау i супрацоўнiцтва з еўрапейскiмi i
мiжнароднымi арганiзацыямi;
кансультацыi па пытаннях супрацоўнiцтва ў гуманiтарнай сферы i
ў галiне правоў чалавека, а таксама павагi i абароны правоў
нацыянальных меншасцей;
развiццё мiжнароднага эканамiчнага i навукова-тэхнiчнага
супрацоўнiцтва ў галiне экалогii;
пытаннi, якiя з'яўляюцца прадметам шматбаковых мiжнародных
перагавораў у рамках Арганiзацыi Аб'яднаных Нацый i яе
спецыялiзаваных устаноў.
Артыкул 3
Мiнiстры замежных спраў Бакоў, iх намеснiкi або iх
упаўнаважаныя будуць рэгулярна сустракацца i праводзiць абмен
меркаваннямi па мiжнародных пытаннях i пытаннях двухбаковых адносiн,
якiя прадстаўляюць узаемны iнтарэс.
Артыкул 4
Бакi таксама зробяць рэгулярнымi кансультацыi памiж
упраўленнямi i аддзеламi сваiх Мiнiстэрстваў замежных спраў.
Артыкул 5
Бакi, па меры неабходнасцi, будуць праводзiць кансультацыi i
абмен думкамi на мiжнародных форумах i ў мiжнародных арганiзацыях.
Артыкул 6
У рамках сваёй кампетэнцыi i ва ўзаемадзеяннi з адпаведнымi
органамi сваёй дзяржавы Бакi будуць садзейнiчаць усталяванню i
развiццю прамых сувязей памiж дзяржаўнымi органамi, грамадскiмi i
iншымi арганiзацыямi дзвюх краiн, у тым лiку на мясцовым узроўнi.
Артыкул 7
Гэты Пратакол уступае ў сiлу з дня падпiсання i застаецца ў
сiле да таго часу, пакуль адзiн з Бакоў не паведамiць загадзя ў
пiсьмовай форме другому Боку аб сваiм жаданнi спынiць яго дзеянне.
Аформлена ў горадзе Мiнску 10 мая 1993 года ў двух экземплярах,
кожны на беларускай i венгерскай мовах, прычым абодва тэксты маюць
аднолькавую сiлу.
За Мiнiстэрства За Мiнiстэрства
замежных спраў замежных спраў
Рэспублiкi Беларусь Венгерскай Рэспублiкi
Подпiс Подпiс
|
