|
ДАГАВОР
ПАМIЖ МIНIСТЭРСТВАМ ПРЫРОДНЫХ РЭСУРСАЎ I АХОВЫ НАВАКОЛЬНАГА
АСЯРОДДЗЯ РЭСПУБЛIКI БЕЛАРУСЬ I МIНIСТЭРСТВАМ НАВАКОЛЬНАГА
АСЯРОДДЗЯ КАРАЛЕЎСТВА ДАНIЯ АБ СУПРАЦОЎНIЦТВЕ Ў ГАЛIНЕ
АХОВЫ НАВАКОЛЬНАГА АСЯРОДДЗЯ *)
___________________________
*) Уступiў у сiлу 1 чэрвеня 1994 г.
Мiнiстэрства прыродных рэсурсаў i аховы навакольнага асяроддзя
Рэспублiкi Беларусь i Мiнiстэрства навакольнага асяроддзя
Каралеўства Данiя, якiя далей называюцца "Бакi",
дзейнiчая ў духу Сусветнай хартыi прыроды, а таксама вынiковых
дакументаў Канферэнцыi ААН па навакольнаму асяроддзю i развiццю ў
Рыа-дэ-Жанэйра 1992 года,
усведамляючы неабходнасць умацавання мiжнароднага
супрацоўнiцтва ў галiне аховы навакольнага асяроддзя, як на
рэгiянальным, а таксама i на глабальным узроўнях,
вызначая гатоўнасць к двухбаковаму супрацоўнiцтву ў дадзенай
галiне,
дамовiлiся аб наступным:
АРТЫКУЛ 1
Бакi будуць развiваць i падтрымлiваць супрацоўнiцтва ў галiне
аховы навакольнага асяроддзя i рацыянальнага выкарыстання прыродных
рэсурсаў для забеспячэння ўстойлiвага развiцця i экалагiчнай
бяспекi.
Бакi будуць узаемадзейнiчаць i аказваць дапамогу па
прадухiленню экалагiчных пагроз i стыхiйных бедстваў, арганiзацыi
экалагiчнай адукацыi i навуковага супрацоўнiцтва, а таксама
развiваць дзейнасць, звязаную са спецыяльнымi праектамi па перадачы
ведаў i тэхналогiй у галiне навакольнага асяроддзя.
Супрацоўнiцтва будзе ажыццяўляцца на падставе сумесных дзеянняў
адпаведных дзяржаўных органаў i другiх зацiкаўленых бакоў, уключаючы
прадпрыемствы, установы i прыватныя прадпрыемствы.
АРТЫКУЛ 2
Супрацоўнiцтва памiж Бакамi будзе ажыццяўляцца па наступным
асноўным напрамкам:
- асвета, адукацыя i навуковае супрацоўнiцтва ў галiне аховы
навакольнага асяроддзя;
- ахова навакольнага асяроддзя ў энергетыцы;
- кiраванне прамысловымi i бытавымi адыходамi, iх перапрацоўка;
- водакарыстанне i ахова грунтовых вод;
- ахова навакольнага асяроддзя ў сельскай гаспадарцы;
- ахова прыроды;
- распрацоўка заканадаўча-нарматыўнай базы;
- абмен iнфармацыяй i даных у галiне аховы навакольнага
асяроддзя;
- манiторынг навакольнага асяроддзя;
- ахова навакольнага асяроддзя ў прамысловых рэгiёнах i
гарадах;
- прымяненне прыродаахоўных тэхналогiй i экалагiчна бясшкодных
рэчываў.
У рамках сапраўднага Дагавора могуць ажыццяўляцца i другiя
напрамкi дзейнасцi. Дзеянне сапраўднага Дагавора распаўсюджваецца
таксама на праекты, накiраваныя на рашэнне ўжо iснуючых праблем у
галiне аховы навакольнага асяроддзя.
АРТЫКУЛ 3
Супрацоўнiцтва будзе ажыццяўляцца ў форме:
- рэалiзацыi сумесных праграм i праектаў;
- правядзення нарад i кансультацый экспертаў, пасяджэнняў
рабочых груп;
- правядзення навуковых семiнараў i сiмпозiумаў;
- падрыхтоўка i стажыроўка, абмен спецыялiстамi, вучонымi,
дэлегацыямi;
- абмен навукова-тэхнiчнай, нарматыўна-метадычнай i iншай
iнфармацыяй.
У рамках сапраўднага Дагавора могуць развiвацца i другiя формы
супрацоўнiцтва, накiраваныя на ахову навакольнага асяроддзя.
АРТЫКУЛ 4
Бакi, на падставе сапраўднага Дагавора, садзейнiчаюць
наладжванню i развiццю прамых сувязей памiж зацiкаўленых
прадпрыемстваў Беларусi i Данii, уключаючы прыватныя прадпрыемствы,
якiя датычаць агульных праграм i праектаў.
АРТЫКУЛ 5
Бакi для ажыццяўлення сапраўднага Дагавора ствараюць пастаянную
Беларуска-Дацкую рабочую групу. Рабочая група будзе разглядаць
спецыяльныя праекты, якiя адносяцца к прадмету сапраўднага Дагавора,
а таксама iншыя напрамкi дзейнасцi, якiя закранаюць двухбаковае
супрацоўнiцтва ў галiне аховы навакольнага асяроддзя на рэгiянальным
i глабальным узроўнях. Паседжаннi вышэйупамянутай групы па агульным
пытанням будуць праводзiцца ў Беларусi i Данii i засноўвацца на
папярэднiм пагадненнi агульных пытанняў (павестка дня, колькасць
удзельнiкаў, працягласць сустрэчы, месца правядзення i г.д.).
АРТЫКУЛ 6
Расходы, звязаныя з праездам удзельнiкаў, нясе накiроўваючы
Бок. Прымаючы Бок забяспечвае размяшчэнне, харчаванне, сутачныя i
транспартныя паслугi ўдзельнiкам.
АРТЫКУЛ 7
Далейшыя перагаворы па рэалiзацыi сапраўднага Дагавора будуць
праводзiцца ў г.Мiнску - Мiнiстэрствам прыродных рэсурсаў i аховы
навакольнага асяроддзя i ў г.Капенгагене - Мiнiстэрствам
навакольнага асяроддзя, якiя будуць упаўнаважываць для гэтых мэт
сваiх прадстаўнiкоў.
АРТЫКУЛ 8
Сапраўдны Дагавор заключаецца тэрмiнам на 5 гадоў. Ён можа быць
прадоўжаны або дынансаваны шляхам пiсьмовага ўзгаднення памiж
абодвума Бакамi.
Сапраўдны Дагавор уступае ў сiлу са дня яго падпiсання.
Учынена ў горадзе Капенгагене 1 чэрвеня 1994 г. у двух
экземплярах, кожны на беларускай, дацкай i англiйскай мовах, прычым
усе тэксты маюць аднолькавую сiлу.
У выпадку разнагалоссяў вызначальным з'яўляецца тэкст на
англiйскай мове.
За Мiнiстэрства прыродных рэсурсаў За Мiнiстэрства навакольнага
i аховы навакольнага асяроддзя асяроддзя Каралеўства Данiя
Рэспублiкi Беларусь Подпiс
Подпiс
|
