ПРАВО - Законодательство Республики Беларусь
 
Реклама в Интернет
"Все Кулички"
Поиск документов

Реклама
Рассылка сайта
Content.Mail.Ru
Реклама


 

 

Правовые новости


Новые документы


Авто новости


Юмор




Протокол Министерства культуры Республики Беларусь от 16 июня 2003 г. "Пратакол памiж Мiнiстэрствам культуры Рэспублiкi Беларусь i Мiнiстэрствам культуры i мастацтваў Украiны аб супрацоўнiцтве ў галiне культуры i мастацтва"

Текст документа с изменениями на 1 июня 2007 года

<<< Главная страница   < Назад

ПРАТАКОЛ
ПАМIЖ МIНIСТЭРСТВАМ КУЛЬТУРЫ РЭСПУБЛIКI БЕЛАРУСЬ
I МIНIСТЭРСТВАМ КУЛЬТУРЫ I МАСТАЦТВАЎ УКРАIНЫ
АБ СУПРАЦОЎНIЦТВЕ Ў ГАЛIНЕ КУЛЬТУРЫ I МАСТАЦТВА*

______________________________
     *Уступiў у сiлу 16 чэрвеня 2003 г.

     Мiнiстэрства культуры  Рэспублiкi   Беларусь   i   Мiнiстэрства
культуры i мастацтваў Украiны (далей - Бакi),
     грунтуючыся на  ўзаемным   iмкненнi   пашыраць   i   паглыбляць
раўнапраўнае  супрацоўнiцтва,  умацоўваць дружалюбныя адносiны памiж
Рэспублiкай Беларусь i Украiнай,
     у адпаведнасцi    з   Пагадненнем   аб   супрацоўнiцтве   памiж
Мiнiстэрствам культуры Рэспублiкi Беларусь i Мiнiстэрствам  культуры
i мастацтваў Украiны ад 10 лютага 1993 года,
     пагадзiлiся аб наступным:

                             Артыкул 1

     Бакi будуць садзейнiчаць стварэнню i захаванню спрыяльных  умоў
для  супрацоўнiцтва  ў галiне культуры i мастацтва памiж Рэспублiкай
Беларусь i Украiнай.

                             Артыкул 2

     Бакi пахвальна ацэньваюць правядзенне ва Украiне ў  2002  годзе
Дзён   культуры   Рэспублiкi  Беларусь,  у  гэтым  кантэксце  будуць
заахвочваць  арганiзацыю  i  правядзенне  Дзён  культуры  Украiны  ў
Рэспублiцы Беларусь.
     Тэрмiны i ўмовы правядзення Дзён культуры Украiны ў  Рэспублiцы
Беларусь будуць вызначаны Бакамi дадаткова ў рабочым парадку.

                             Артыкул 3

     Бакi будуць   садзейнiчаць   удзелу   беларускiх  i  ўкраiнскiх
музычных  калектываў,  асобных  выканаўцаў  у  мiжнародных  музычных
конкурсах i фестывалях,  што праводзяцца на тэрыторыi дзяржаў Бакоў,
устанаўленню i развiццю непасрэдных  кантактаў  у  галiне  музычнага
мастацтва памiж канцэртнымi арганiзацыямi i творчымi саюзамi, абмену
салiстамi i калектывамi.
     Беларускi Бок  iнфармуе  Украiнскi Бок аб наступных мiжнародных
музычных  фестывалях,  што  праводзяцца  на   тэрыторыi   Рэспублiкi
Беларусь:
     Мiжнародны фестываль мастацтваў "Славянскi  базар  у  Вiцебску"
(г.Вiцебск);
     Мiжнародны музычны фестываль "Мiнская вясна" (г.Мiнск);
     Мiжнародны фестываль  музычнага  мастацтва "Беларуская музычная
восень" (г.Мiнск);
     Мiжнародны музычны фестываль "Залаты шлягер" (г.Магiлёў);
     Мiжнародны музычны фестываль iмя I.Салярцiнскага (г.Вiцебск).
     Украiнскi Бок  iнфармуе  Беларускi Бок аб наступных мiжнародных
музычных фестывалях, што праводзяцца на тэрыторыi Украiны:
     Мiжнародны конкурс оперных выканаўцаў (г.Львоў);
     Мiжнародны форум "Музыка маладых" - фестываль  сучаснай  музыкi
маладых выканаўцаў (г.Кiеў);
     Фестываль "Крымскiя зоры" (г.Ялта);
     Мiжнародны фестываль арганнай музыкi (г.Кiеў);
     Мiжнародны фестываль музычнага мастацтва "Вiртуозы" (г.Львоў).

                             Артыкул 4

     Бакi будуць   спрыяць   развiццю   прамых    кантактаў    памiж
тэатральнымi  саюзамi,  драматычнымi,  лялечнымi  i  iншымi тэатрамi
дзяржаў  Бакоў  шляхам   садзейнiчання   арганiзацыi   гастроляў   i
выступленняў тэатральных калектываў i асобных выканаўцаў,  а таксама
ўдзелу ў тэатральных фестывалях на ўзаемнай аснове.
     Беларускi Бок  iнфармуе  Украiнскi Бок аб наступных мiжнародных
тэатральных фестывалях, што праводзяцца ў Беларусi:
     "Славянскiя тэатральныя сустрэчы" (г.Гомель);
     Мiжнародны тэатральны фестываль "Белая вежа" (г.Брэст);
     Мiжнародны фестываль лялечных тэатраў (г.Мiнск).
     Украiнскi Бок iнфармуе Беларускi Бок аб  наступных  мiжнародных
тэатральных фестывалях, што праводзяцца ва Украiне:
     Мiжнародны тэатральны фестываль "Залаты леў" (г.Львоў);
     Фестывалi маладзёжных   эксперыментальных   тэатраў  "Мыстэцьке
березiля" (г.Кiеў);
     "Мiжнародны фестываль   тэатраў   лялек   "Рыздвяна   мiстэрыя"
(г.Луцк).

                             Артыкул 5

     Бакi будуць    падтрымлiваць    супрацоўнiцтва     ў     галiне
кiнематаграфii,    уключаючы    ўдзел    беларускiх   i   ўкраiнскiх
кiнематаграфiстаў,  iх фiльмаў  у  мiжнародных  кiнафестывалях,  што
праводзяцца   на   тэрыторыi   дзяржаў   Бакоў,   а  таксама  будуць
садзейнiчаць абмену iнфармацыяй у гэтай сферы.
     Бакi дамовiлiся  садзейнiчаць  арганiзацыi  i  правядзенню Дзён
беларускага кiно ва Украiне i Дзён украiнскага кiно ў Беларусi.
     Умовы i тэрмiны правядзення Дзён кiно будуць агаворвацца Бакамi
дадаткова ў рабочым парадку.
     Беларускi Бок    iнфармуе    Украiнскi    Бок    аб   наступных
кiнафестывалях, што праводзяцца ў Рэспублiцы Беларусь:
     Мiнскi мiжнародны кiнафестываль "Лiстапад" (г.Мiнск);
     Фестываль анiмацыйных фiльмаў "Анiмаёўка" (г.Магiлёў).
     Украiнскi Бок    iнфармуе    Беларускi    Бок    аб   наступных
кiнафестывалях, што праводзяцца ва Украiне:
     Мiжнародны кiнафестываль "Маладосць" (г.Кiеў);
     Мiжнародны фестываль анiмацыйнага кiно "Крок" (г.Кiеў).

                             Артыкул 6

     Бакi будуць  супрацоўнiчаць  у   галiне   музейнай   справы   i
выставачнай дзейнасцi.  Бакi будуць садзейнiчаць наладжванню прамога
супрацоўнiцтва  памiж  музеямi,   галерэямi,   мастацкiмi   цэнтрамi
Рэспублiкi   Беларусь   i   Украiны   з   мэтай  абмену  выстаўкамi,
спецыялiстамi ў сферы музейнай справы,  iнфармацыйнымi  матэрыяламi,
на ўзаемнай аснове iнфармаваць аб навуковых канферэнцыях, семiнарах,
сiмпозiумах па пытаннях музейнай справы.
     Бакi будуць  спрыяць  абмену  музейнымi  выстаўкамi,  а таксама
выстаўкамi      сучаснага       выяўленчага,       народнага       i
дэкаратыўна-прыкладнога мастацтва.

                             Артыкул 7

     Бакi будуць   садзейнiчаць  далейшаму  развiццю  сувязей  памiж
Нацыянальнай  бiблiятэкай  Беларусi  i   Нацыянальнай   парламенцкай
бiблiятэкай Украiны.
     Бакi будуць спрыяць абмену кнiжнымi выстаўкамi,  метадычнымi  i
бiблiяграфiчнымi    матэрыяламi,   электроннымi   базамi   дадзеных,
артыкуламi для публiкацый у перыядычных выданнях  абодвух  Бакоў,  а
таксама    ўдзелу    спецыялiстаў    другога   Боку   ў   семiнарах,
навукова-практычных канферэнцыях i сiмпозiумах,  што праводзяцца  на
тэрыторыi сваёй дзяржавы.

                             Артыкул 8

     Бакi будуць   спрыяць   усталяванню   прамых   кантактаў  памiж
навучальнымi ўстановамi культуры  i  мастацтва  абедзвюх  дзяржаў  i
будуць  садзейнiчаць  абмену студэнтамi названых устаноў па творчых,
навучальных i навуковых напрамках.
     Бакi будуць ствараць умовы для павышэння квалiфiкацыi i творчых
стажыровак  выкладчыкаў  вышэйшых  навучальных  устаноў  культуры  i
мастацтва.
     Бакi будуць садзейнiчаць удзелу студэнтаў  i  навучэнцаў  сваiх
навучальных  устаноў  культуры i мастацтва ў мiжнародных конкурсах i
фестывалях,  што  праводзяцца  для  маладых  выканаўцаў  у  абедзвюх
дзяржавах.
     Беларускi Бок iнфармуе Украiнскi Бок аб  наступных  мiжнародных
мерапрыемствах, што праводзяцца на тэрыторыi Беларусi:
     Мiжнародны конкурс пiянiстаў (г.Мiнск, 2004 год);
     Мiжнародны дзiцячы пленэр iмя I.Рэпiна (2004 год);
     Мiжнародны фестываль фартэп'яннай музыкi (г.Мiнск, 2005 год);
     Мiжнародны конкурс  камерных  ансамбляў iмя Агiнскага (г.Мiнск,
2005 год).
     Украiнскi Бок  iнфармуе  Беларускi Бок аб наступных мiжнародных
мерапрыемствах, што праводзяцца на тэрыторыi Украiны:
     Мiжнародны конкурс юных пiянiстаў памяцi У.Гаравiца (г.Кiеў);
     Мiжнародны конкурс юных пiянiстаў Крайнева (г.Кiеў);
     Мiжнародны конкурс юных скрыпачоў Б.Катаровiча (г.Харкаў).

                             Артыкул 9

     Бакi будуць   працягваць   супрацоўнiцтва   ў  галiне  народнай
творчасцi i будуць садзейнiчаць  усталяванню  прамых  сувязяў  памiж
самадзейнымi   калектывамi  i  дамамi  народнай  творчасцi  абедзвюх
дзяржаў.
     Беларускi Бок  iнфармуе  Украiнскi Бок аб наступных мiжнародных
фестывалях, што праводзяцца на тэрыторыi Беларусi:
     Мiжнародны фестываль   народнай   музыкi   "Звiняць  цымбалы  i
гармонiк" (г.Паставы, 1 раз у 2 гады);
     Мiжнародны  фестываль  юных талентаў "Зямля пад белымi крыламi"
(г.Мазыр, 1 раз у 2 гады);
     Мiжнародны фестываль харэаграфiчнага мастацтва "Сожскi карагод"
(г.Гомель, 1 раз у 2 гады).
     Украiнскi Бок  iнфармуе  Беларускi Бок аб наступных мiжнародных
фестывалях, што праводзяцца на тэрыторыi Украiны:
     Мiжнародны фестываль  традыцыйнай  народнай  культуры  "Покуць"
(г.Харкаў);
     Мiжнародны фестываль украiнскага фальклору "Берагiня" (г.Луцк);
     Мiжнародны фестываль-конкурс  дзiцячых   калектываў   народнага
танца "Зялена свiт" (г.Харкаў);
     Мiжнародны фестываль фальклору  "Палескае  лета  з  фальклорам"
(г.Луцк);
     Мiжнародны  маладзёжны фестываль традыцыйнай народнай творчасцi
"Драўлянскi джэрэла" (г.Роўна).

                             Артыкул 10

     Бакi будуць  падтрымлiваць  супрацоўнiцтва  ў  галiне  аховы  i
рэстаўрацыi гiсторыка-культурных каштоўнасцей, будуць спрыяць абмену
спецыялiстамi  з  мэтай  азнаямлення  з  вопытам  работы  ў названай
галiне.
     У рамках   сваёй   кампетэнцыi   Бакi   выказваюць   гатоўнасць
ажыццявiць мерапрыемствы па папярэджванню  незаконнага  перамяшчэння
культурных каштоўнасцей на тэрыторыi Беларусi i Украiны.

                             Артыкул 11

     Бакi дамовiлiся,   што   культурны   абмен   памiж   iмi  будзе
ажыццяўляцца на наступных умовах:
     а) пры  абмене  творчымi  калектывамi,  дэлегацыямi  i асобнымi
прадстаўнiкамi:
     накiроўваючы Бок   аплачвае   выдаткi   на   мiжнародны  праезд
(уключаючы перавоз багажу i  рэквiзiту)  да  месца  запрашэння  i  ў
зваротным накiрунку;
     прымаючы Бок  аплачвае  выдаткi  на  пражыванне,  харчаванне  ў
адпаведнасцi  з зацверджанымi ў кожнай краiне нормамi,  транспарт па
тэрыторыi сваёй краiны згодна з праграмай знаходжання;
     б) пры   абмене  выстаўкамi  з  музейных  фондаў  i  выстаўкамi
сучаснага мастацтва ўмовы,  тэрмiны,  характар i месца  экспанавання
будуць   вызначацца   дадаткова   асобнымi   пагадненнямi  памiж  iх
непасрэднымi арганiзатарамi.

                             Артыкул 12

     Па ўзаемнай згодзе Бакоў у гэты Пратакол  могуць  быць  унесены
змяненнi  i дапаўненнi,  аформленыя пiсьмова,  якiя будуць з'яўляцца
яго неад'емнай часткай.

                             Артыкул 13

     Гэты Пратакол не выключае магчымасцi арганiзацыi i  правядзення
iншых мерапрыемстваў па ўзаемнай дамоўленасцi Бакоў.

                             Артыкул 14

     Гэты Пратакол  уступае  ў  сiлу  з  моманту  яго  падпiсання  i
дзейнiчае  на  працягу  трох  гадоў.  Пасля   гэтага   яго   дзеянне
аўтаматычна  працягваецца  на  наступны  трохгадовы тэрмiн,  калi нi
адзiн з Бакоў у пiсьмовай форме не заявiць аб сваiм намеры скасаваць
яго дзеянне не пазней чым за шэсць месяцаў да заканчэння тэрмiну яго
дзеяння.

     Здзейснена ў г.Мiнску 16 чэрвеня 2003 года ў двух  экземплярах,
кожны на беларускай i ўкраiнскай мовах, прычым усе тэксты з'яўляюцца
аўтэнтычнымi i маюць аднолькавую сiлу.


Содержание

<<<<                                                                                             >>>>


Новости партнеров
pravo.kulichki.ru ::: pravo.kulichki.com ::: pravo.kulichki.net
2004-2015 Республика Беларусь
Rambler's Top100
Разное


Разное
Спецпроект "Тюрьма"

 

Право России